106 — zaif eshituvchi bolalar uchun ixtisoslashtirilgan maktab-internat

«Адолат» СДП Марказий аппарати ҳамда, Тошкент шаҳар ИИББ ЙҲХБ билан ҳамкорликда Тошкент шаҳар Олмазор туманида жойлашган 106-сонли заиф эшитувчи болалар учун ихтисослаштирилган мактаб интернатида 1 июнь — «Ҳалқаро болаларни ҳимоя қилиш» куни муносабати билан байрам тадбири ташкил этилди. Тадбирда «Адолат» СДП раиси Баҳром Абдуҳалимов, партия жамоаси, Тошкент шаҳар ИИББ ЙҲХБ бошлиғи полковник Жалилов Рафиқжон Қўлдошевич, масъул ходимлари, ОАВ ҳодимлари иштирок этдилар. Тадбир давомида болаларнинг вақтларини мазмунли ташкил этиш ва йўл ҳаракати хавфсизлиги қоидалари билан яқиндан таништириш мақсадида, Яшнабод туманида жойлашган «Уч авлод» боғида полковник Жалилов Рафиқжон Қўлдошевич бошчилигида болажонлар учун махсус ўқув семинари ўтказилди. Ўқув семинаридан сўнг, болалар қалбига янада кўпроқ қувонч улашиш истагида тадбир ташкилотчилари «Наврўз» боғига ҳам сайр уюштиришди. Мароқли хордиқдан сўнг болажонлар байрам дастурхонига таклиф этилди.

Birlashgan millatlar tashkilotining bolalar jamgʻarmasi (UNICEF) tashabbusi bilan «1-iyun-Xalqaro bolalarni himoya qilish kuni» munosabati bilan forum tashkil etildi.

✨ «Biz turlimiz, biz tengmiz» shiori ostida o‘tkazilgan forumda Olmazor tumani 106-son zaif eshituvchi bolalar uchun ixtisoslashtirilgan maktab-internati bir guruh faol yoshlari ishtirok etdilar.

Tadbirda 267 ta o’quvchi va 43 nafar ota-ona hamda 9 nafar jamoatchilik vakillari ishtirok etdilar. Tadbirda Xalq ta’limi vazirligi bo’lim boshlig’i J.Fozilov, O‘zbekiston Respublikasi Mudofaa vazirligi TOQQ harbiylari, O’zbekiston yozuvchilar uyushmasi a’zolari Dilshod Rajab va Otabek Quvvat, O’zMU harbiy tayyorgarlik o’quv markazi katta o’qituvchisi O’.Karimov ishtirok etdilar.

✨O‘quvchilar tomonidan she’r va kuy-qo‘shiqlar kuylandi. Maktab-internat direktori tomonidan Prezidentimiz tabrigi o’qib eshittirildi. Tadbir UzReport telekanali orqali yoritildi.

O‘zbekiston Respublikasi Prezidenti tomonidan ilgari surilgan 5 ta muhim tashabbusning ikkinchi tashabbus yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratish maqsadida jismoniy tarbiya o‘qituvchisi J.Raxmatullayev tashabbusi bilan «BUNYODKOR» FC yosh tarbiyalanuvchilari hamda Olmazor tumani 106-son zaif eshituvchi bolalar uchun ixtisoslashtirilgan maktab-internati o‘quvchilari o‘rtasida sportning futbol turi bo‘yicha o‘rtoqlik uchrashuvi tashkil etildi.

✨Yuqori saviyada uyushtirilgan o‘yindan bolalar o‘z murabbiylaridan nafaqat o‘yin texnikasi balki sportning o‘ziga xos madaniyatini ham o‘rgandilar. O‘yin so‘ngida do‘stlik g‘alaba qozonib mehmon jamoa maktab-internat o‘quvchilariga sovg‘alar ulashdilar.

«Mening sinfim-mening faxrim» shiori ostida adabiiy-badiiy nutq kechasi o‘tkazildi. Boshlashg‘ich sinf o‘qituvchisi A. Niyozoxunova o‘z shogirdlari va tarbiyachilari bilan birgalikda tayyorlagan kechada o‘quvchilar olgan bilimlarini sarhisob qilish bilan birga sermazmun sahna ko‘rinishlari ijro etdilar, raqslar guldastasi, yod olgan she’rlaridan namunalar aytib berdilar.

Tadbir so‘ngida o‘quchilarga faxriy yorliq va sovg‘alar taqdim etildi.